De novo toca assistirmos à vergonhosa efeméride da aprovaçom no 1978 dum texto constitucional agochado baixo a falsa aparência de reformista com promessas de grandes mudanças que nom pretendia outra cousa mais que manter e assegurar as estruturas económicas imperialistas e coloniais que sustentam ao nacionalismo espanhol, passando assim o relevo do franquismo à monarquia herdeira.

Umha constituiçom empregada e interpretada polo estado espanhol ao seu antolho e conveniência, já que mentres presumem de cumpri-la a pés pontilhas para nos negar os nossos direitos sociais e a nossa soberania como povo, importa-lhes bem pouco ignorar artigos que atendem aos direitos fundamentais da sociedade, entre outros muitos, como o do acesso a umha vivenda digna. Nós, nom conformes com insistir mais umha vez em que nom temos nada que celebrar, promovemos como ato simbólico a queima desta exorbitante estafa.